ప్రభుత్వ ఉద్యోగులు హెడ్ క్వార్టర్స్ లోనే నివాసం ఉండాలి
G.O.Ms.No. 20 & సంబంధిత మెమోలు
ప్రభుత్వ ఉద్యోగుల హెడ్క్వార్టర్స్ నివాస నిబంధనలు
ప్రభుత్వ ఉద్యోగులు తమ పని ప్రాంతంలోనే విధిగా నివసించడం మరియు అత్యవసర సమయాల్లో అందుబాటులో ఉండటంపై ప్రభుత్వం జారీ చేసిన మార్గదర్శకాలు మరియు ఉపాధ్యాయులకు వర్తించే మినహాయింపుల పూర్తి వివరాలు.
ప్రధాన నిబంధనలు (G.O.Ms.No. 20)
- ఆంధ్రప్రదేశ్ సివిల్ సర్వీసెస్ (ప్రయాణ భత్యం) నిబంధనలు, 1996 (Rule 45 & 46) ప్రకారం ప్రతి ఉద్యోగానికి హెడ్క్వార్టర్స్ నిర్దేశించబడుతుంది.
- ఉద్యోగులు తమ హెడ్క్వార్టర్స్లోనే నివసించాలి. పై అధికారుల నుంచి లేదా అత్యవసర పనుల నిమిత్తం ఎప్పుడైనా పిలుపువస్తే అందుబాటులో ఉండాలి.
- హెడ్క్వార్టర్స్లో నివసించకుండా వేరే ప్రాంతాల్లో ఉంటున్నట్లు ఫిర్యాదులు అందడంతో ప్రభుత్వం దీన్ని సీరియస్గా పరిగణించింది.
- నిబంధనలను ఉల్లంఘిస్తే అడ్మినిస్ట్రేటివ్ సెక్రటరీ మరియు హెడ్ ఆఫ్ డిపార్ట్మెంట్స్ ద్వారా కఠినమైన క్రమశిక్షణా చర్యలు తీసుకోబడతాయి.
జీతాల చెల్లింపు మరియు సర్టిఫికెట్ నిబంధన
సర్క్యులర్ మెమో నెం.11594 ప్రకారం, ప్రస్తుతానికి నెలవారీ జీతాలు డ్రా చేసుకోవడానికి హెడ్క్వార్టర్స్ నివాస ధృవీకరణ పత్రం సమర్పించవలసిన అవసరం లేదు. అయితే, హెడ్క్వార్టర్స్లో ఉండని ఉద్యోగులపై తగిన క్రమశిక్షణా చర్యలు తీసుకోవచ్చు.
పాఠశాల విద్యాశాఖ ఉపాధ్యాయులకు మినహాయింపులు (Memo No.3342/2005)
ఉపాధ్యాయ సంఘాల విజ్ఞప్తి మేరకు, కొన్ని ప్రత్యేక పరిస్థితులలో పనిచేసే ఉపాధ్యాయులకు హెడ్క్వార్టర్స్ నివాస నిబంధన నుండి మినహాయింపు ఇవ్వబడింది:
- వితంతువులు (Widows) మరియు దివ్యాంగులైన ఉపాధ్యాయులు.
- భార్యాభర్తలిద్దరూ ఉపాధ్యాయులే అయితే: వారిలో ఒకరికి హెడ్క్వార్టర్స్ నివాస నుండి మినహాయింపు ఉంటుంది.
- భార్యాభర్తలలో ఒకరు ఉపాధ్యాయులై, మరొకరు వేరే ప్రభుత్వ శాఖలో పనిచేస్తుంటే, ఉపాధ్యాయులు కాని స్పౌజ్ హెడ్క్వార్టర్స్లో ఉండాలనే నిబంధన నుండి మినహాయించబడతారు.