ఆంధ్రప్రదేశ్‌లో జనగణన కార్యకలాపాల డైరెక్టర్‌గా శ్రీ జే. నివాస్‌, IAS నియామకం

న్యూఢిల్లీ, జూన్ 2, 2025: ఆంధ్రప్రదేశ్‌ రాష్ట్రానికి జనగణన కార్యకలాపాల డైరెక్టర్‌ (DCO) మరియు పౌరసత్వ నమోదు డైరెక్టర్‌ (DCR) గా శ్రీ జే. నివాస్ (IAS: AP:2010) ను నియమిస్తూ కేంద్ర ప్రభుత్వం ఉత్తర్వులు జారీ చేసింది. డిపార్ట్‌మెంట్ ఆఫ్ పర్సనల్ అండ్ ట్రైనింగ్ (DoP&T) నుండి విడుదలైన సర్కులర్ ప్రకారం, ఈ నియామకాన్ని సమర్థ అధికారం ఆమోదించింది.

శ్రీ జే. నివాస్, ఆంధ్రప్రదేశ్ క్యాడర్‌కు చెందిన 2010 బ్యాచ్ ఇండియన్ అడ్మినిస్ట్రేటివ్ సర్వీస్ (IAS) అధికారి. ఆయన ఈ రెండు కీలక పదవులలో 31.12.2025 వరకు లేదా తదుపరి ఆదేశాలు వచ్చేవరకు, ఏది ముందు అయితే అది అమలులో ఉండేలా బాధ్యతలు నిర్వర్తిస్తారు.

ప్రస్తుతం ఆయన ఆర్థిక శాఖలో విధులు నిర్వర్తిస్తున్నారు. కేంద్ర ప్రభుత్వం జారీ చేసిన ఉత్తర్వుల మేరకు, ఆంధ్రప్రదేశ్ ప్రభుత్వం వెంటనే ఆయన్ను రిలీవ్ చేసి, ఆయన కొత్త బాధ్యతలను స్వీకరించడానికి తగిన ఆదేశాలు ఇవ్వాలని కోరింది.

DoP&T, 2005 ఆగస్టు 17న జారీ చేసిన సర్కులర్ నెం. 3/4/2004-EO(MM-I) ప్రకారం, అపాయింట్‌మెంట్ ఆర్డర్ జారీ అయిన మూడు వారాలలోపు అధికారి తమ కొత్త పదవిలో చేరాలి. అలా చేయడంలో విఫలమైతే, సెంట్రల్ స్టాఫింగ్ స్కీమ్ నుండి తొలగించే ప్రక్రియ ప్రారంభమవుతుంది.

DOPT ఆర్డర్ కోసం క్లిక్ చేయండి